Oppoq qog‘oz va qora dog‘


Saqlash
01:12 / 08.12.2021 5 224809

Professor darsxonaga kirib kelishi bilanoq talabalaridan ajoyib bir testga tayyorgarlik ko‘rishlarini so‘radi. Talabalar biroz tashvishga tushgan holda test boshlanishini kutishar edi. Muallim har doimgidek test qog‘ozini orqa o‘girib tarqatib chiqdi. Talabalar test savollarini o‘qish maqsadida qog‘ozni o‘girishdi. Qog‘oz o‘rtasida bitta qora nuqtadan boshqa hech qanday topshiriq yo‘q edi. Bundan ajablangan talabalar bir-birlariga hayron qarab qolishdi.

Professor talabalarning yuzida ajablanishni ko‘rishi bilan ularga: “Men qog‘ozda nimani ko‘rayotgan bo‘lsangiz, shu haqda yozishingizni so‘rayman”, dedi. Talabalar ikkilanish bilan tushunarsiz shartni bajarishni boshladilar. Darsning oxiriga kelib, professor barchadan qog‘ozlarni yig‘ib olib, har bir talabaning yozgan javobini ular oldida ovoz chiqarib o‘qiy boshladi. Talabalarning barchasi faqatgina qora nuqta haqida, uning qog‘ozning o‘rtasida joylashgani haqida yozgan, o‘z fikrini bayon qilgan edilar.

Javoblar o‘qib bo‘lingach, oraga sukunat cho‘mdi va biroz o‘tib professor talabalarga: “Men bu javoblarga baho qo‘ymoqchi emasman. Sizlarni mulohazaga chorlamoqchiman, xolos. Hech kim o‘z javobida qog‘ozning oq qismi haqida hech narsa yozmapti. Barcha diqqat-e’tiborni qora nuqtaga qaratibdi. Afsuski xuddi shu holat bizning hayotimizda ham mavjud. Biz har doim insonlarning yomon odatlariga e’tibor beramiz, xuddi qog‘ozdagi qora nuqta kabi. Aslida qog‘ozning oq joyi qora nuqtaga qaraganda ancha darajada ko‘p. Tiriklik Xudo tarafidan bir-birimizga yordam berish, qayg‘urish uchun berilgan sovg‘a. Hayotimiz xursandchiliklarga, yaxshiliklarga, yaxshi insonlarga to‘ladir. To‘g‘ri, o‘sha qora nuqtaga ham e’tibor qaratishimiz, uni to‘g‘rilashga yordam berishimiz kerak. Lekin bu oq joylarni unutmagan holda bo‘lishi kerak. Qora nuqta esa oq joylarga nisbatan juda ham kichkina, ko‘rinmasdir”, dedi.

Mirnosir Hasanov tarjimasi

5 Izohlar

Rahmatjon

12:01 / 01.01.1970

Insonlarni qilgan yomonligidan emas qilgan yaxshiligidan eslash kerak

Javohir

12:01 / 01.01.1970

Inson hayotida qora dogʻlar boʻladi. biz ularni sabrimiz bilan yengib Ortga chekimasligimiz kerak har narsank oxiri boʻlgadek hayotimizda qora dogʻlar ham umrbod emas.

Sohibbek

12:01 / 01.01.1970

Biz dunyoga kelganimizda oq qogʻozdek qalbimiz oppoq boʻladi. Bizning qalbimizda qora dogʻning boʻlishi yoki boʻlmasligi oʻz qoʻlimizda...

Mohinabonu

12:01 / 01.01.1970

Hammaga salom haqiqatdan ham odamlar orasidagi mexr oqibat yoʻqolib qoldi .Bu dunyoda hech kim yomon boʻlib tugʻilmaydi aksincha atrofdagilarni qaltis ishga yoki yomon tushunchalari taʼsir qiladi.Doimo bu hayotda oq qogʻozdek begʻubor boʻlaylik

Charos

12:01 / 01.01.1970

Insonlar borki ular xato qilishadi beayb parvardigordir.Biz insonlar odamlarni qora joylarini ya'ni qilgan xatolarini koʻramiz ularni yaxshiliklariga etibor bermaymiz va bu biz insonlarning eng katta xatoyimiz deb bilaman

Izoh qoldirish

So‘nggi qo‘yilgan

Barchasi

Bilasizmi?

10:05 / 20.05.2025 0 339
Farzand nega tirnoqqa o‘xshatiladi?

Qatra

12:05 / 19.05.2025 0 324
Hammani yig‘latgan vasiyatnoma

Qatra

15:04 / 17.04.2025 0 324
Marhamat aya sog‘inchi

Bilasizmi?

10:04 / 08.04.2025 0 328
Narxning navosi



Ko‘p o‘qilgan

Barchasi

Qatra

01:12 / 08.12.2021 143 224810
Oppoq qog‘oz va qora dog‘

Hikmat

01:12 / 03.12.2021 88 107744
Eshikka osilgan taxtacha

Qomus

22:08 / 04.08.2023 4 55216
Milliy urf-odatlar

Qomus

17:09 / 18.09.2023 0 40221
Nutq. Nutq madaniyati. Nutq odobi

Qomus

17:04 / 17.04.2023 1 39915
Xarakter

Qomus

20:07 / 28.07.2023 5 31479
Mehmon. Mehmondorchilik odobi. Mehmondo‘stlik

Qomus

16:12 / 29.12.2021 4 30619
Kompetentlik

Qomus

17:05 / 03.05.2023 1 30011
Alpomish

//