Oppoq qog‘oz va qora dog‘


Saqlash
20:12 / 07.12.2021 3 210255

Professor darsxonaga kirib kelishi bilanoq talabalaridan ajoyib bir testga tayyorgarlik ko‘rishlarini so‘radi. Talabalar biroz tashvishga tushgan holda test boshlanishini kutishar edi. Muallim har doimgidek test qog‘ozini orqa o‘girib tarqatib chiqdi. Talabalar test savollarini o‘qish maqsadida qog‘ozni o‘girishdi. Qog‘oz o‘rtasida bitta qora nuqtadan boshqa hech qanday topshiriq yo‘q edi. Bundan ajablangan talabalar bir-birlariga hayron qarab qolishdi.

Professor talabalarning yuzida ajablanishni ko‘rishi bilan ularga: “Men qog‘ozda nimani ko‘rayotgan bo‘lsangiz, shu haqda yozishingizni so‘rayman”, dedi. Talabalar ikkilanish bilan tushunarsiz shartni bajarishni boshladilar. Darsning oxiriga kelib, professor barchadan qog‘ozlarni yig‘ib olib, har bir talabaning yozgan javobini ular oldida ovoz chiqarib o‘qiy boshladi. Talabalarning barchasi faqatgina qora nuqta haqida, uning qog‘ozning o‘rtasida joylashgani haqida yozgan, o‘z fikrini bayon qilgan edilar.

Javoblar o‘qib bo‘lingach, oraga sukunat cho‘mdi va biroz o‘tib professor talabalarga: “Men bu javoblarga baho qo‘ymoqchi emasman. Sizlarni mulohazaga chorlamoqchiman, xolos. Hech kim o‘z javobida qog‘ozning oq qismi haqida hech narsa yozmapti. Barcha diqqat-e’tiborni qora nuqtaga qaratibdi. Afsuski xuddi shu holat bizning hayotimizda ham mavjud. Biz har doim insonlarning yomon odatlariga e’tibor beramiz, xuddi qog‘ozdagi qora nuqta kabi. Aslida qog‘ozning oq joyi qora nuqtaga qaraganda ancha darajada ko‘p. Tiriklik Xudo tarafidan bir-birimizga yordam berish, qayg‘urish uchun berilgan sovg‘a. Hayotimiz xursandchiliklarga, yaxshiliklarga, yaxshi insonlarga to‘ladir. To‘g‘ri, o‘sha qora nuqtaga ham e’tibor qaratishimiz, uni to‘g‘rilashga yordam berishimiz kerak. Lekin bu oq joylarni unutmagan holda bo‘lishi kerak. Qora nuqta esa oq joylarga nisbatan juda ham kichkina, ko‘rinmasdir”, dedi.

Mirnosir Hasanov tarjimasi

3 Izohlar

zulfizar

06:01 / 01.01.1970

zo'o'o'o'o'o'o'o'o'rrrrrrrrrrrrrrrr ekan menga yoqdi

Parvina

06:01 / 01.01.1970

Ha juda tõg'ri fikr. Proffessorning bu fikriga qo'shilaman. Hamma odam ham bir xil emas. Agar hamma odamlar bir xil oqkõngil bõlganida edi dunyoda oqkõngil odamlar kõpaygan bõlar edi.

Maftuna

06:01 / 01.01.1970

töğri fikr hayotda hamma hamma bir xil bölavermaydi hamma insonlar ham bir xim emas.🤗

Izoh qoldirish

So‘nggi qo‘yilgan

Barchasi

Qomus

10:07 / 19.07.2024 0 219
Musiqa

Bilasizmi?

14:07 / 11.07.2024 0 371
“Oqshom”mi, “ag‘sham”?

Bilasizmi?

18:06 / 25.06.2024 0 472
Mashrabning “o‘rtar”i



Ko‘p o‘qilgan

Barchasi

Qatra

20:12 / 07.12.2021 143 210256
Oppoq qog‘oz va qora dog‘

Hikmat

20:12 / 02.12.2021 88 99516
Eshikka osilgan taxtacha

Qomus

11:12 / 29.12.2021 4 24729
Kompetentlik

Qomus

17:08 / 04.08.2023 4 24234
Milliy urf-odatlar

Qomus

10:12 / 28.12.2021 9 18150
Manqurt(lik)

Qomus

15:07 / 28.07.2023 5 17166
Mehmon. Mehmondorchilik odobi. Mehmondo‘stlik

Qomus

12:04 / 17.04.2023 1 16279
Xarakter

Qomus

10:09 / 26.09.2023 3 14511
Ommaviy madaniyat

//