Milliy urf-odatlar


Saqlash
17:08 / 04.08.2023 4 22429

Milliy urf-odatlar – millatning turmush-tarziga singib ketgan, uning shakllanishi va rivojiga xizmat qiladigan ijtimoiy madaniy hayotida oʻz aksini topgan, doim takrorlanib turadigan xatti-harakat, koʻpchilik tomonidan qabul qilingan xulq-atvor qoidalari va koʻnikmalar koʻrinishidir. Milliy urf-odatlar bizning xalqimizda oʻziga xos oʻzbekona tarixiy xususiyatlarga ega boʻlib, anʼanaviy va zamonaviy koʻrinishlarda namoyon boʻladi. Milliy urf-odatlar alohida olingan shaxs va millat doirasida shakllanib boradi. Masalan, oʻzbeklarda kichiklarning kattalarga salom berishi, erta turib uy hovlini supurib-sidirib, mehmonlarga alohida izzat-ikrom koʻrsatish, bayram arafasida betob va qiynalganlar, yordamga muhtojlar, qariyalar holidan xabar olish shular jumlasidandir. Mustabid tuzum davrida koʻplab urf-odatlarimiz eskilik sarqiti deb poymol qilindi, bu esa yoshlar taʼlim-tarbiyasiga milliy oʻzlikni asrab-avaylashga va shu orqali oʻzbek millatining maʼnaviy rivojiga salbiy taʼsir koʻrsatdi. Milliy urf-odatlar millat va elatning tarixi, anʼanalari, xalq ogʻzaki ijodi, sanʼat va adabiyoti, turmush tarzi va boshqa omillar taʼsirida shakllanib, takomillashib boradi.

 

Milliy urf-odatlar millatning, elat va etnik guruhlarning oʻziga xos qiyofasini belgilovchi xususiyat. Masalan, millatimizga xos boʻlgan qudachilik urf-odatlari muhim ahamiyat kasb etadi. Masalan, shoʻrolar davrida “Beshik toʻyi” eskilik sarqiti, deb tahqirlangan edi. Vaholanki, beshik u bilan bogʻliq urf-odatlar milliy madaniyatimizning tarkibiy qismi boʻlib kelgan. Milliy urf-odatlar va anʼanalar har bir millatda oʻziga xos tizimni tashkil etadi, xalq tomonidan turmush tarzining zaruriy sharti deb qabul qilinadi. Milliy urf-odatlarga befarqlik kishini, millatni oʻzligidan uzoqlashtiradi. Milliy urf-odatlarda vatanga, millatga boʻlgan hurmat-eʼtibor va sadoqat tajassum topadi. Mamlakatimizda istiqlol tufayli 130 dan ortiq millat va elat vakillari urf-odat va anʼanalarini asrab avaylash, takomillashtirish uchun barcha imkoniyatlar yaratilgan. Bu hol millatlararo munosabatlarning rivoji, oʻzaro doʻstlik va totuvlik rishtalarining mustahkamlanishiga xizmat qiladi.

4 Izohlar

Dilnavoz

20:05 / 07.05.2024

Menga umuman foydasi tegmadi, juda yomon ekan👎👎👎

...

22:04 / 24.04.2024

Menga yoqdi👍👍👍

Qwertyuıopğüasdfghjklşizxcvbnmöç,.1234567890!@#$/^&*(-'",:;?)+×÷=<£€¥₩>{%~`´}[•✓_\]|«¿¡»

21:04 / 24.04.2024

menga yordam bermadi

Hilola

09:04 / 17.04.2024

Menga foydasi tegdi katta raxmat

Izoh qoldirish

So‘nggi qo‘yilgan

Barchasi

Bilasizmi?

19:05 / 13.05.2024 0 361
“Amudaryo”ning ma’nosi nima? “Jayxun”ning-chi?

Bilasizmi?

15:05 / 07.05.2024 1 426
Omad yosh tanlamaydi



Ko‘p o‘qilgan

Barchasi

Qatra

20:12 / 07.12.2021 143 206522
Oppoq qog‘oz va qora dog‘

Hikmat

20:12 / 02.12.2021 88 96842
Eshikka osilgan taxtacha

Qomus

11:12 / 29.12.2021 4 23016
Kompetentlik

Qomus

17:08 / 04.08.2023 4 22430
Milliy urf-odatlar

Qomus

10:12 / 28.12.2021 9 17032
Manqurt(lik)

Qomus

15:07 / 28.07.2023 5 16184
Mehmon. Mehmondorchilik odobi. Mehmondo‘stlik

Qomus

12:04 / 17.04.2023 1 14639
Xarakter

Qomus

10:09 / 26.09.2023 3 12800
Ommaviy madaniyat