Oppoq qog‘oz va qora dog‘


Saqlash
01:12 / 08.12.2021 5 226069

Professor darsxonaga kirib kelishi bilanoq talabalaridan ajoyib bir testga tayyorgarlik ko‘rishlarini so‘radi. Talabalar biroz tashvishga tushgan holda test boshlanishini kutishar edi. Muallim har doimgidek test qog‘ozini orqa o‘girib tarqatib chiqdi. Talabalar test savollarini o‘qish maqsadida qog‘ozni o‘girishdi. Qog‘oz o‘rtasida bitta qora nuqtadan boshqa hech qanday topshiriq yo‘q edi. Bundan ajablangan talabalar bir-birlariga hayron qarab qolishdi.

Professor talabalarning yuzida ajablanishni ko‘rishi bilan ularga: “Men qog‘ozda nimani ko‘rayotgan bo‘lsangiz, shu haqda yozishingizni so‘rayman”, dedi. Talabalar ikkilanish bilan tushunarsiz shartni bajarishni boshladilar. Darsning oxiriga kelib, professor barchadan qog‘ozlarni yig‘ib olib, har bir talabaning yozgan javobini ular oldida ovoz chiqarib o‘qiy boshladi. Talabalarning barchasi faqatgina qora nuqta haqida, uning qog‘ozning o‘rtasida joylashgani haqida yozgan, o‘z fikrini bayon qilgan edilar.

Javoblar o‘qib bo‘lingach, oraga sukunat cho‘mdi va biroz o‘tib professor talabalarga: “Men bu javoblarga baho qo‘ymoqchi emasman. Sizlarni mulohazaga chorlamoqchiman, xolos. Hech kim o‘z javobida qog‘ozning oq qismi haqida hech narsa yozmapti. Barcha diqqat-e’tiborni qora nuqtaga qaratibdi. Afsuski xuddi shu holat bizning hayotimizda ham mavjud. Biz har doim insonlarning yomon odatlariga e’tibor beramiz, xuddi qog‘ozdagi qora nuqta kabi. Aslida qog‘ozning oq joyi qora nuqtaga qaraganda ancha darajada ko‘p. Tiriklik Xudo tarafidan bir-birimizga yordam berish, qayg‘urish uchun berilgan sovg‘a. Hayotimiz xursandchiliklarga, yaxshiliklarga, yaxshi insonlarga to‘ladir. To‘g‘ri, o‘sha qora nuqtaga ham e’tibor qaratishimiz, uni to‘g‘rilashga yordam berishimiz kerak. Lekin bu oq joylarni unutmagan holda bo‘lishi kerak. Qora nuqta esa oq joylarga nisbatan juda ham kichkina, ko‘rinmasdir”, dedi.

Mirnosir Hasanov tarjimasi

5 Izohlar

♡♡♡♡♡

12:01 / 01.01.1970

Iltimos ko‘proq izoh qoldiringizlar men imtixonda shu haqida bayon yozman bu muhim. Agar bunga ''REJA"ngiz bulsa yozingizlar °♡♡♡

Shaxrinoz

12:01 / 01.01.1970

Juda zor 👍👍👍👍👍

Diln♡︎za

12:01 / 01.01.1970

To'g'ri hozir bir insonga bir marta yomonlik qilsang umrbod yodlarida saqlab yurishadi. Ammo mobodo yaxshilik qilib ko'r o'sha zahoti unitishadi. Tangani ikkinchi tomoniyam borda. Insonlargayam hayronman. Huddi o'zligi oppog'de birovni hayotini muhokama qip tashiydigan darajada

Muhabbat

12:01 / 01.01.1970

Juda ham tõğri biz doim qora nuqtaga etibor beramiz lekin qora nuqtaga qaraganda oq joy kõp. Bundan tushuniah mumkinki bitta xatoni kõrsak hamma yaxshiliklarni unutamiz.

Diyora

12:01 / 01.01.1970

Juda ham zo'r

Izoh qoldirish

So‘nggi qo‘yilgan

Barchasi

Bilasizmi?

14:07 / 15.07.2025 0 252
“Kimsan” aslida kim?

Bilasizmi?

15:07 / 10.07.2025 0 308
Ozodlik haykaliga kimning yuz qiyofasi olingan?

Hikmat

10:07 / 03.07.2025 0 178
Armon bobo

Bilasizmi?

16:07 / 02.07.2025 0 149
Yelib keldi



Ko‘p o‘qilgan

Barchasi

Qatra

01:12 / 08.12.2021 143 226070
Oppoq qog‘oz va qora dog‘

Hikmat

01:12 / 03.12.2021 88 108505
Eshikka osilgan taxtacha

Qomus

22:08 / 04.08.2023 4 56051
Milliy urf-odatlar

Qomus

17:09 / 18.09.2023 0 41381
Nutq. Nutq madaniyati. Nutq odobi

Qomus

17:04 / 17.04.2023 1 40725
Xarakter

Qomus

20:07 / 28.07.2023 5 32010
Mehmon. Mehmondorchilik odobi. Mehmondo‘stlik

Qomus

16:12 / 29.12.2021 4 31064
Kompetentlik

Qomus

17:05 / 03.05.2023 1 30751
Alpomish

//