Oppoq qog‘oz va qora dog‘


Saqlash
20:12 / 07.12.2021 5 210562

Professor darsxonaga kirib kelishi bilanoq talabalaridan ajoyib bir testga tayyorgarlik ko‘rishlarini so‘radi. Talabalar biroz tashvishga tushgan holda test boshlanishini kutishar edi. Muallim har doimgidek test qog‘ozini orqa o‘girib tarqatib chiqdi. Talabalar test savollarini o‘qish maqsadida qog‘ozni o‘girishdi. Qog‘oz o‘rtasida bitta qora nuqtadan boshqa hech qanday topshiriq yo‘q edi. Bundan ajablangan talabalar bir-birlariga hayron qarab qolishdi.

Professor talabalarning yuzida ajablanishni ko‘rishi bilan ularga: “Men qog‘ozda nimani ko‘rayotgan bo‘lsangiz, shu haqda yozishingizni so‘rayman”, dedi. Talabalar ikkilanish bilan tushunarsiz shartni bajarishni boshladilar. Darsning oxiriga kelib, professor barchadan qog‘ozlarni yig‘ib olib, har bir talabaning yozgan javobini ular oldida ovoz chiqarib o‘qiy boshladi. Talabalarning barchasi faqatgina qora nuqta haqida, uning qog‘ozning o‘rtasida joylashgani haqida yozgan, o‘z fikrini bayon qilgan edilar.

Javoblar o‘qib bo‘lingach, oraga sukunat cho‘mdi va biroz o‘tib professor talabalarga: “Men bu javoblarga baho qo‘ymoqchi emasman. Sizlarni mulohazaga chorlamoqchiman, xolos. Hech kim o‘z javobida qog‘ozning oq qismi haqida hech narsa yozmapti. Barcha diqqat-e’tiborni qora nuqtaga qaratibdi. Afsuski xuddi shu holat bizning hayotimizda ham mavjud. Biz har doim insonlarning yomon odatlariga e’tibor beramiz, xuddi qog‘ozdagi qora nuqta kabi. Aslida qog‘ozning oq joyi qora nuqtaga qaraganda ancha darajada ko‘p. Tiriklik Xudo tarafidan bir-birimizga yordam berish, qayg‘urish uchun berilgan sovg‘a. Hayotimiz xursandchiliklarga, yaxshiliklarga, yaxshi insonlarga to‘ladir. To‘g‘ri, o‘sha qora nuqtaga ham e’tibor qaratishimiz, uni to‘g‘rilashga yordam berishimiz kerak. Lekin bu oq joylarni unutmagan holda bo‘lishi kerak. Qora nuqta esa oq joylarga nisbatan juda ham kichkina, ko‘rinmasdir”, dedi.

Mirnosir Hasanov tarjimasi

5 Izohlar

Hulkaroy

06:01 / 01.01.1970

Menga oq qogoz va qora dog mavzusida bayon rejalari bilan keyin hamisha shunday bolavermaydi vaqt qadri mavzusida bayon kereak

Dilnoza

06:01 / 01.01.1970

Ha to‘g‘ri hamma hayotni faqat qora tomonini emas oq tomonini ham ko‘ra bilishi kerak hayotning o‘n beshi yorug‘ o‘n beshi qorong‘u

Eldor

06:01 / 01.01.1970

Ha albatta hayotning yaxshi joyi koʻp, ammo koʻp odam shu qora nuqtani koʻrib ya'ni kichkina xatoni qilib soʻngra katta yomonlikni qilishdan qoʻrqib qoladi

Dilshoda

06:01 / 01.01.1970

Dunyo ham shunday dunyoni oq qogʻoz desak ichidagi qora nuqtalar insonlardir. Bizni yomonliklarimiz dunyo yuziga dog' boʻlyapti.

Dilnura

06:01 / 01.01.1970

Juda ham toʻgʻri fikr.Professorning fikricha qoʻshilaman.

Izoh qoldirish

So‘nggi qo‘yilgan

Barchasi

Qomus

12:07 / 25.07.2024 0 136
Sanskritchani biladigan “baxshi”

Qomus

10:07 / 19.07.2024 0 378
Musiqa

Bilasizmi?

14:07 / 11.07.2024 0 413
“Oqshom”mi, “ag‘sham”?



Ko‘p o‘qilgan

Barchasi

Qatra

20:12 / 07.12.2021 143 210563
Oppoq qog‘oz va qora dog‘

Hikmat

20:12 / 02.12.2021 88 99651
Eshikka osilgan taxtacha

Qomus

11:12 / 29.12.2021 4 24787
Kompetentlik

Qomus

17:08 / 04.08.2023 4 24309
Milliy urf-odatlar

Qomus

10:12 / 28.12.2021 9 18213
Manqurt(lik)

Qomus

15:07 / 28.07.2023 5 17218
Mehmon. Mehmondorchilik odobi. Mehmondo‘stlik

Qomus

12:04 / 17.04.2023 1 16366
Xarakter

Qomus

10:09 / 26.09.2023 3 14587
Ommaviy madaniyat

//