Oppoq qog‘oz va qora dog‘


Saqlash
01:12 / 08.12.2021 5 221243

Professor darsxonaga kirib kelishi bilanoq talabalaridan ajoyib bir testga tayyorgarlik ko‘rishlarini so‘radi. Talabalar biroz tashvishga tushgan holda test boshlanishini kutishar edi. Muallim har doimgidek test qog‘ozini orqa o‘girib tarqatib chiqdi. Talabalar test savollarini o‘qish maqsadida qog‘ozni o‘girishdi. Qog‘oz o‘rtasida bitta qora nuqtadan boshqa hech qanday topshiriq yo‘q edi. Bundan ajablangan talabalar bir-birlariga hayron qarab qolishdi.

Professor talabalarning yuzida ajablanishni ko‘rishi bilan ularga: “Men qog‘ozda nimani ko‘rayotgan bo‘lsangiz, shu haqda yozishingizni so‘rayman”, dedi. Talabalar ikkilanish bilan tushunarsiz shartni bajarishni boshladilar. Darsning oxiriga kelib, professor barchadan qog‘ozlarni yig‘ib olib, har bir talabaning yozgan javobini ular oldida ovoz chiqarib o‘qiy boshladi. Talabalarning barchasi faqatgina qora nuqta haqida, uning qog‘ozning o‘rtasida joylashgani haqida yozgan, o‘z fikrini bayon qilgan edilar.

Javoblar o‘qib bo‘lingach, oraga sukunat cho‘mdi va biroz o‘tib professor talabalarga: “Men bu javoblarga baho qo‘ymoqchi emasman. Sizlarni mulohazaga chorlamoqchiman, xolos. Hech kim o‘z javobida qog‘ozning oq qismi haqida hech narsa yozmapti. Barcha diqqat-e’tiborni qora nuqtaga qaratibdi. Afsuski xuddi shu holat bizning hayotimizda ham mavjud. Biz har doim insonlarning yomon odatlariga e’tibor beramiz, xuddi qog‘ozdagi qora nuqta kabi. Aslida qog‘ozning oq joyi qora nuqtaga qaraganda ancha darajada ko‘p. Tiriklik Xudo tarafidan bir-birimizga yordam berish, qayg‘urish uchun berilgan sovg‘a. Hayotimiz xursandchiliklarga, yaxshiliklarga, yaxshi insonlarga to‘ladir. To‘g‘ri, o‘sha qora nuqtaga ham e’tibor qaratishimiz, uni to‘g‘rilashga yordam berishimiz kerak. Lekin bu oq joylarni unutmagan holda bo‘lishi kerak. Qora nuqta esa oq joylarga nisbatan juda ham kichkina, ko‘rinmasdir”, dedi.

Mirnosir Hasanov tarjimasi

5 Izohlar

Andugaffor

12:01 / 01.01.1970

Tanganing xam ikki tomoni bor. Yani hamma insonni yaxshi va yomon jihati bor

Zarnigor

12:01 / 01.01.1970

Qora nuqta qancha kichik boʻlsada uni to'g'irlashga harakat qilish kerak agarda to'g'irlay olmasak kattalashib boraveradi

Baxtiyjor

12:01 / 01.01.1970

Ha to‘g‘ri bu hikoya 9 sinf ona tili adabiyot fanlari dan bilet savollarga qo'yilgan.bu hayotimizda odamlar juda ko'p va biz har doim ularni yomon tomonlarini ko‘ramoz va ulardan ko'nglimiz sovutamiz, agarda biz ularni kamchiligini izlamay ularnga yordam bersak har ishidan kamchilik izlamasak biz ular b n qalin do‘st yoki oshno og'ayni bo‘lishimiz mumkin

Adolat

12:01 / 01.01.1970

Insonlarni qordayin oppoq yaxshiliklari bilinmaydi.Ammo,shu kichik bir xato butun bir hayotni òzgartirib qòyadi.

Asilzoda

12:01 / 01.01.1970

👍👍Ōqituvchi tōğri aytgan faqatgina insonlarni xatolarini emasbalki ularni yaxshi xislatlarini ham kōra bilishimiz kerak👍👍❤️

Izoh qoldirish

So‘nggi qo‘yilgan

Barchasi

Qatra

09:02 / 05.02.2025 0 282
Kampir uxlagan, xon-chi?

Bilasizmi?

09:02 / 05.02.2025 0 122
Qarg‘ish asli qoralashmi?

Bilasizmi?

18:01 / 31.01.2025 0 245
Mahmud Koshg‘ariyning eski zontigi

Bilasizmi?

12:01 / 28.01.2025 0 739
Choʻlponning “qatagʻon qilingan” sheʼri

Bilasizmi?

10:01 / 27.01.2025 0 227
Oʻrta Osiyomi yoki Markaziy Osiyo?



Ko‘p o‘qilgan

Barchasi

Qatra

01:12 / 08.12.2021 143 221244
Oppoq qog‘oz va qora dog‘

Hikmat

01:12 / 03.12.2021 88 105737
Eshikka osilgan taxtacha

Qomus

22:08 / 04.08.2023 4 41088
Milliy urf-odatlar

Qomus

17:04 / 17.04.2023 1 33005
Xarakter

Qomus

17:09 / 18.09.2023 0 31726
Nutq. Nutq madaniyati. Nutq odobi

Qomus

16:12 / 29.12.2021 4 28792
Kompetentlik

Qomus

17:05 / 03.05.2023 1 27313
Alpomish

Qomus

20:07 / 28.07.2023 5 25579
Mehmon. Mehmondorchilik odobi. Mehmondo‘stlik

//