“Mening fikrim” жамоавий мурожаатлар порталига транспорт воситалари ойналарини қорайтириш учун белгиланган тўловни камайтиришни сўраб, мурожаат йўлланди. Мурожаат овозга қўйилиши учун модераторлар тасдиғидан ўтиши лозим.

Мурожаат муаллифи Ўзбекистонда иссиқ мавсум йилда 7 ой давом этиши, айниқса ёзда ҳарорат юқори бўлишини қайд этган.

Амалдаги тартибга кўра, Ўзбекистон фуқаролари ва юридик шахслари учун автомобил ойналарини қорайтиришга рухсат олиш тўлови қуйидагича:

    орқа ён ойналар – йилига 4,5 БҲМ (1 млн 215 минг сўм);
    барча ён ойналар – йилига 45 БҲМ (12 млн 150 минг сўм).

Мурожаат муаллифи тўловлар миқдорини қуйидагича белгилашни таклиф этган:

    орқа ён ойналар – 0,5 БҲМ (145 минг сўм);
    барча ён ойналар – 2 БҲМ (540 минг сўм).

Муаллиф, шунингдек, рухсатномани 3, 6, 9 ва 12 ойга олиш имконияти яратилишини ҳам сўраган. Унинг ҳисоблашича, тўловни рухсатноманинг амал қилиш муддати давомида тўлаш мумкин бўлиши керак.