АОКАда ўтказилаётган матбуот анжуманида ушбу саволга Санитария-эпидемиологик осойишталик ва жамоат саломатлиги хизмати бошлиғининг биринчи ўринбосари Холмамат Норбоев жавоб қайтарди.

«Самолётда бемор билан бирга келган 200 киши карантинга олинган. 130 нафар Ўзбекистон фуқаролари уй, 70 нафар хорижий фуқаролар меҳмонхона шароитида карантинга олинган.

 

Omicron штамми, дастлаб, 7 январь куни аниқланди. Бироқ ушбу диагноз бўйича дунёнинг етакчи мутахассислари билан маслаҳатлашиш, узоқ текширувлар ўтказиш ва уни тасдиқлаш билан боғлиқ жараёнлар туфайли уни ўз вақтида эълон қилиш имкони бўлмади ва икки кундан сўнг жамоатчиликка маълум қилинди», деди Холмамат Норбоев.