Экология қўмитаси матбуот хизмати 10 минг қадам учун пул тўлайдиган «Эко-фаол фуқаро» платформаси ишга тушганини маълум қилди.

Маълумот учун, Президент қарорига биноан, аҳоли орасида экологик маданиятни ошириш учун «10 минг қадам пиёда» ташаббусини тиклаш, «Соғлом турмуш тарзи» платформасини ишга тушириш белгиланган эди.

Хабарда айтилишича, 1 майдан фаолияти йўлга қўйилган «Эко-фаол фуқаро» платформасини App Store ва Play Market орқали юклаб олиб, фойдаланиш мумкин.

Фото: Дарё

Таъкидланишича, «10 минг қадам пиёда» акциясини амалга ошириш ва рағбатлантириш, яъни пул тўлаш тартибини ишлаб чиқиш жараёни босқичма-босқич давом этмоқда.