Shukrullo Egamberdiyev vazifasidan ozod etildi

Saqlash
15:05 / 16.05.2023 35873 5

16-may kuni Oʻzbekiston musulmonlari idorasi Ichki nazorat komissiyasining navbatdagi yigʻilishi oʻtkazilgan. Unda xalq orasida “Shukrullo domla” deb tanilgan Fargʻona viloyati Toshloq tumani bosh imomi va “Abu Hanifa” jome masjidi imom-xatibi Shukrullo Egamberdiyevning ijtimoiy tarmoqlardagi chiqishlari muhokama qilindi.

 

Yigʻilishda imom-xatibning eʼtirozlarga sabab boʻlgan chiqishlari va fikr-mulohazalari imomlik maqomiga toʻgʻri kelmasligiga urgʻu qaratildi.

 

Shukrullo Egamberdiyev majlisda muhokamaga sabab boʻlgan chiqishlarida xatoga yoʻl qoʻyganini eʼtirof etgan va uzr soʻragan. Imom-xatib kelgusidagi faoliyatida bunday kamchiliklarga yoʻl qoʻymasligini bildirdi.

 

Ichki nazorat komissiyasi bayon etilganlarni inobatga olib, Shukrullo Egamberdiyevga “hayfsan” intizomiy jazosi berish va Toshloq tumani bosh imomi vazifasidan ozod etish toʻgʻrisida xulosa qilgan.

 

Maʼlumot uchun, Oʻzbekiston musulmonlari idorasida tuzilgan Ichki nazorat komissiyasi diniy soha xodimlari faoliyatini tartibga solish, kamchiliklarga yoʻl qoʻyganlarga taʼsir choralarini qoʻllash va halol-pok xizmat qilayotganlarni himoya qilish hamda ragʻbatlantirish kabi vakolatlarga egadir.

5 Izohlar

Ismailova Nargiza

22:10 / 28.10.2023

Assalomu aleykum. Domlani gapi ayrimlarga yoqmasa xam hozirgi zamonda bolayotgan ishlarni juda togri gapiradilar.

Yulduzxon

06:09 / 21.09.2023

Domilani gapini muhokama qilib ishdan ozod qilibdi davlatimiz lekin nega dinimizga sharyatimizga mutloqa to'g'iri kelmaydigan ishlarni qilib enternetlarga chiqayotganlarga ham chora ko'rilmaydi nega ularga etibor qilmaydi ulardan ko'ra Domila yaxshiku davlatimiz yaxshilab etibor berib rasvo bo'lib chiqayotgan o'zbeklarni tartibga olsin batil deb iflos ishlarni kurakda turmas hunik gaplarni gapirayotganlarni tartibga olsin

Nazokat

14:09 / 19.09.2023

Manimcha ham bu domlaning gaplari hammamizga ham yoqavermaydi chunki oʻz shaxsiy fikrlarini boshqalarga majburiy uqtirmoqchi bo'lardilar

Zohida

13:07 / 24.07.2023

Assalomu alaykum, insonlarni faqat Ollohgina o`zgartira oladi, ba`zida sukut ham yaxshi foyda beradi nima hodisa yuz bersa bu yaxshilikning belgisidir.

Shaxnoza

02:07 / 19.07.2023

Assalomu alaykum manimcha domla tôğri gapirardilar ulaga nisbatan nohaqlik qilingan. boshqa joylarda hizmat vazifasini tõğri bajaraolmetganla qanchadan qancha õsha insonlarga intizomiy chora kõrishsa yahshi bulardi

Izoh qoldirish