Ijtimoiy tarmoqlarda Toshkent shahrida yosh bolalar orasida pnevmoniya va allergiya kasalliklari avj olgani haqida xabar tarqalgan.

Bu yuzasidan Toshkent shahar Sog‘liqni saqlash bosh boshqarmasi munosabat bildirdi:

“Bugungi kunda poytaxtimizda pnevmoniya va allergiya bilan bog‘liq vaziyat barqaror. Poytaxtimizda 5 ta bolalar kasalliklari hamda 5 ta yuqumli kasalliklarni davolashga ixtisoslashgan shifoxonalar faoliyat ko‘rsatyapti. Ushbu tibbiyot muassasalarida ham hech qanday navbatlar kuzatilmayotgani buni ko‘rsatib turibdi.

 

Fuqarolarning bunday asossiz va yolg‘on ma’lumotlarga ishonmasliklarini so‘rab qolamiz” – deyiladi xabarda.