Эмотивизм

22:02 / 28.02.2023 0 629

Эмотивизм (инглизча emotive – ҳиссиётни келтириб чиқарувчи, қўзғалтирувчи) – мантиқий позитивизмнинг ғоялари ва методологияси асосида вужудга келган ахлоқий назария. Мазкур назарияга кўра, ахлоқий ҳукмлар, атамалар ҳақиқий ҳам, ёлғон ҳам эмас, билиш мазмунидан маҳрумлиги боис уларни тажриба йўли билан текшириб бўлмайди. Уларнинг аҳамиятли томони ахлоқий ҳиссиётларни намоён қилишга хизмат қилишдангина иборат. Эмотивизм ахлоқий тасаввурларни ўз-ўзидан вужудга келади деб ҳисоблайди. Эмотивизм XX асрнинг 20-40-йилларида Буюк Британия, Австрия, АҚШда кенг тарқалади. Айер, Рассел, Карнап, Рейхенбах кабилар эмотивизмнинг етакчи вакиллари ҳисобланади.