Бундан 3000 йил аввал Миср эҳромлари соясида шундай технология яратилганки, унинг натижалари бугунги замонавий тиббиёт ва кимё фанини ҳам ҳайратга солишда давом этмоқда.

Жасадлар нима учун сақланган?

Қадимги мисрликларнинг эътиқодига кўра, ўлимдан кейин инсон руҳи (Ка) ўз танасига қайтиб келиши керак эди. Агар тана парчаланиб кетса, руҳ адашиб қолади ва боқий ҳаётдан маҳрум бўлади, деб ишонилган. Шу сабабли, жасадни мукаммал ҳолатда сақлаш — «мумификация» ҳаёт-мамот масаласи бўлган.

70 кунлик сирли жараён:

Мумиёлаш жараёни ўртача 70 кун давом этган ва у бир неча муҳим босқичдан иборат бўлган:

1-босқич: Жасадни тозалаш (1–15 кун)

-Жасад вино ва пальма сиркаси билан ювилган.

-Мия бурун тешиги орқали махсус темир таёқча ёрдамида эҳтиёткорлик билан чиқариб олинган.

-Ички органлар қорин қисмидаги кичик кесик орқали олиб ташланган.

2-босқич: Қуритиш (40 кун)

- Жасад натрон (табиий туз) билан тўлдирилган ва унинг усти ҳам ушбу туз билан қопланган.

- Натрон барча намликни сўриб олиб, бактерияларни йўқ қилган.

Бу вақт давомида жасад бутунлай қуриб, қотган ҳолатга келган.

3-босқич: Ўраш (15 кун)

- Жасад юзлаб метр узунликдаги мато (зиғир) билан ўралган.

- Ҳар бир бармоқ, қўл ва оёқ алоҳида-алоҳида боғланган.

- Ўраш жараёнида матоларни ёпиштириш учун махсус смола ва елимлар ишлатилган.

Канопик идишлар: Органлар қаерга кетган?

Ички органлар (жигар, ўпка, ошқозон ва ичаклар) ташлаб юборилмаган. Уларга алоҳида ишлов берилиб, тўртта муқаддас идиш — канопларга солинган. Ҳар бир идиш қопқоғи маълум бир худо тимсолидаги ҳайвон боши билан безатилган:

🦅 Қебехсенуф — ичаклар учун.

🐺 Дуамутеф — ошқозон учун.

👤 Имсети — жигар учун.

🐒 Ҳапи — ўпка учун.

Фақат битта орган — Юрак ўз жойида қолдирилган. Чунки охиратдаги сўроқ-саволда инсоннинг гуноҳлари айнан юрак орқали ўлчанади, деб ишонишган. Мумиёлаш ҳамма учун бир хил бўлмаган, ижтимоий келиб чиқишига кўра фарқланган:

Фиръавнлар ва бойлар: Мумиёлаш 70 кунлик тўлиқ давом этган, энг сифатли матолар, олтин ниқоблар ишлатилган ва улкан саркофагларга солинган

Ўрта табақа: Мия чиқарилмаган, фақат ички органлар олинган ва 40 кун давомида мумиёланган

Камбағаллар: Энг оддий усул — жасад шунчаки натрон билан қуритилган ва кам миқдордаги мато билан ўралган.