1989 йил 1 декабрь – Қорақалпоғистон тарихидаги муҳим саналардан бири. Айни шу куни Қорақалпоқ тилига давлат тили мақоми берилган.

Қорақалпоқлар туркий халқларнинг бир бўғини бўлиб, дунё бўйича умумий 800 мингдан зиёдни ташкил қилади. Миллат номи қадимда улар кийган бош кийимга бориб тақалади.

Қорақалпоқ тили туркий тиллар оиласининг қипчоқ гуруҳига киради. У қозоқ ҳамда нўғой тилларига яқин. Тилда шимоли-шарқий ва жануби-ғарбий лаҳжалар бор.

Маълумот учун, қорақалпоқ ёзуви ҳам худди ўзбек ёзуви каби бир неча босқичларни бошидан ўтказган. У 1928 йилгача араб алифбоси асосида ёзилган бўлса, кейин лотин алифбосига ўтди. 1940 йилда кирилл ёзувига, 1994 йилда эса яна лотин алифбосини қабул қилди.