Тил

17:10 / 26.10.2022 0 877

Қафас ичида дунёга келди.

Аъмоли тўсиқлар кўтарилганда вазифа бажариш эди – гоҳ ширин, гоҳида тахир бўлиб, ташқарига бўйлади. Қуролга айланди – нишонга олди. Восита бўлиб, алмисоқдан берисини изоҳлади. Баъзан масхара, баъзан ғурур аталди!

Соҳиби учун тириклик таъмларини аниқлади – гоҳи куйди, гоҳи музлади. Неки тиласа, деди, тиламаса жим қолди.

Уни мақтадилар, онага тенглаштирдилар, аммо рўшнолик сезмай ожиза мақомида тийилди.

Унга қариш қисмати битилмаган эди, бироз сўлғин тортса-да, ҳамиша хизматда турди. Охири қафасни ёриб чиқмоқчи бўлди, тишлар орасида қисилиб қолди.

Ажратиб олдилар-да, боғлаб кўмдилар...

Холиёр Сафаров

Улашинг