* * *

Халқнинг қалбига узоқдан қўл солиб бўлмайди, қўл солиш учун унинг олдига бориш керак.

* * *

Мен ўз юртимда мусофир итдай думимни қисиб юришни хоҳламайман.

* * *

Юртдан чиқиш тириклай гўрга кириш деган сўздир.

* * *

Биз хатоларни қанча тез тузатсак, ўтмиш маданиятимиз учун ҳам, келгуси тараққиётимиз учун ҳам шунчалик катта савоб иш қилган бўламиз.

* * *

Тилини тишлаб олган одам тишини суғуриб ташламайди.

* * *

Гапни тонналаб олингу граммлаб сотинг.

* * *

Битта гўл порахўрни тутишдан кўра йигирмата учар ўғрини тутиш осонроқ. Ўғри урган киши: «дод, ўғрини ушла» дейди, пора берган киши: «дод, порахўрни ушла!», — демайди.

* * *

Бирор орзуси бўлмаган, бирор нарсага интилмаган одамнинг мушукдан нима фарқи бор!

* * *

Ростини билатуриб, ёлғон гапирган одамнинг гуноҳини кечириб бўлмайди.

* * *

Кўпсўзлилик ёлғоннинг юзини пардозлаш учун керак. Ҳақиқат шундай жононки, пардоз унинг ҳуснини бузади.

* * *

Сукут — танқиднинг бир тури.

* * *

Йўловчи ҳар бир ҳурган итнинг кетидан қуваверса, манзилга қачон етади?

* * *

Кишан олтин бўлса ҳам ҳар қалай кишан!

* * *

Овчига хизмат қилишдан фақат ит лаззат топади.