Яқин қадрдонларимдан бири аллақайси чойхонадаги антиқа таомнома расмини юборибди. Бир қарашда кулгили туюлади. Аслида эса, бу қайғули ҳолатдир.

Кўплаб чойхона ва ресторанлар таомномасида шунга ўхшаш “янгилик”ларни кузатиш мумкин. Яқинда битта жойда “калла-поча” дейиш ўрнига “Калла почча” деб ёзиб қўйишибди.

Мақсад кимнидир изза қилиш, ўзга тилларни камситиш эмас, аксинча, ҳар бир тилнинг қадрини жойига қўйиш, жумладан, она тилимизга беписандлигимизни бартараф этишдир. Қолаверса, қайси тилда ёзмайлик, савод масаласи барчамизга тааллуқлидир. Ахир “алла”ни “алло” деб ёзмаймиз-ку?!

Ҳозирча бу кулгили ва қайғули ҳолат кузатилган манзилни аниқ кўрсатмадик. Кейинги сафар “Ойина”дан ўпкалаш йўқ.