Твиттeр шунақа жой, масалан, ёзасиз:

“Мeн мeвалардан олмани яхши кўраман”.

Изоҳлар бу шаклда кeтади:

– Ҳа, нок сeнга нима қилди, аламинг борда, а?

– Бўлмаган гап, эркакларга ёқиш учун олма дeяпти, аксида, нeга шафтоли дeмади?

– Нeгатив гап ёзяпсиз, депрессиядамисиз?

– Мени катта холамни ўғли ҳам олмани яхши кўради.

– Олмани яхши кўрадиганларни яхши кўраман.

– Эй, сен, нега эркакларга ёқиш учун ёзди деяпсан, эркакман, олмани ёқтирмайман, дура.

– Ўзинг дурасан, тошингни тер, сенга ёзганим йўқ, твит эгасига ёздим.

– Ҳа, фемкамисан? Фемка экансанку, аламзадасан.

– Феминистлар олмани яхши кўради.

– Йўқ бу нимадан норози, нега олма егиси келиб қолибди.

– Мана аёлларни бўш қўйиш оқибати, кўнгиллари ҳар нарсани тусайверади.

– Эркаклар сенга қулде, а, сени олма егинг келди, биз итдек ишлаб сенга олма олиб беришимиз керак, тиииит.

– Ўзини ким деб ўйлаяпти.

– Олмаларни ўзиз экаркансизде, а, реклама қивосми?

...

Ретвитлар:

– Фемкаларга ўлим.

– Олма егунча шаптоли есанг-чи.

– Буларга фақат пул керак.

– Ўзи экиб қўйгандек, олмалашини.

– Мен олмани ёмон кўраман, фу.

– Нима демоқчи бу, ким экан у олма. Яхши кўрса бизга нима?

Сиз бирон твитни фикрингизни ёзиб ретвит қилсангиз, бошқаларни твитларини айнан юқоридагидек р/т қиладиганлар:

– Ҳм, доимо айтаман, у нас лйуди не адекватний, қўйвуринг.

– Тўба.

– Фикриз тўғри, қўшиламан.

– GIF

– Нмэ бунақа ретвит қивос, бу мани танишим, билмей ҳар нимала двурмен, хопми. Ҳазил қивотилаю, зўр одам ула, тшундизми.

– jpg38.

– Урушмела

– Нима едила, эй, қорин очип кеттику...

Агарда шеър, иқтибос ёки бошқа илмий нарса қўйсангиз:

Фалончи фисмончиевга нравится ваш твит.

Все! Тугади.

Доно БЕКЧАНОВА