Абулқосим Маҳмуд АЗ-ЗАМАХШАРИЙ

***

Фарзанд учун отага нисбат шарафлироқ ва машҳурроқ, яъни фалончининг ўғли деб аталар, аммо она эса доимо шафқатлироқ ва матлаблироқдир.

***

Одамнинг сиртию  ботини (ичи) тўғри, саломат ва тузук бўлса, унинг зоҳири (ташқариси) ҳам сахий ва салим бўлур.

***

Агар тилингга эгалик қила олмасанг, унда тизгининг жиловини шайтонга топширган бўласан.

***

Момақалдироқли ёмғирнинг ёғиши ростгўй (ҳақгўй) кишининг ваъдасига вафоси каби ёқимлидир.

***

Баъзи вақтда ортиқлик зиён келтиради. Масалан, бир қўлда олтита бармоқ бўлса, бу ортиқлик эмас, камчилик (нуқсон) ҳисобланади.

***

Еру заминнинг кўркамлиги олимлар билан бўлса, осмону фалакнинг зийнати юлдузлар биландир.

***

Қуёш нурларини бекитиб бўлмаганидек, ҳақиқатнинг чироғини ҳам сўндириб бўлмайди.

“Нозик иборалар” китобидан