Абсурд  (лот. absurdus – сохталик, қалбакилик) – муайян нарса, ҳодиса, фикр ёки хулосанинг бемаъни, нотўғри ва ясама эканини ифода қиладиган тушунча.  Мантиқда хулоса ва ҳукмларнинг ҳақиқатга мос келмаслигини, санъат ва адабиётда эса, сохта руҳ ҳамда хусусиятларни акс эттиради. Фан ва фалсафада  муайян ғоялар, қараш ҳамда таълимотларнинг ғайриилмийлиги, ҳаётга мос келмаслиги, одамларни ҳақиқатдан йироқ мақсадлар томон бошлаши билан боғлиқ ҳолатларни ифодалаш учун қўлланади. Абсурдизм XX аср жаҳон адабиётида ҳаётнинг айрим томонлари бемаъни ва мантиқсиз эканини тасвирлайдиган оқим сифатида шаклланган. Инглиз драматурги С.Беккет, француз адиби Альбер Камю бу оқимнинг энг йирик вакилидир.