Бобомнинг ёлғони

18:02 / 28.02.2022 0 1006

– Бу дунёда шунча мол йиғдим, боғ яратдим, – деди бобом ўлимидан бироз олдин ўйга чўмиб. – Аммо қани уларнинг бирортасини у дунёга олиб кетолсам. Ҳаммасини сизларга ташлаб кетмоқдаман.

Аммо бобомнинг гаплари ёлғон бўлиб чиқди. Бу дунёдан очиқ қўл билан кетганига ҳеч қанча ўтмасдан бизга қолдирган молидан барака кўтарилди. Худди бобомнинг ортидан кетгандек ҳаммаси бир-бир соб бўлди. Вақтида бутун қишлоқни таъминлаган боғ бобомсиз қуриб, ўтинга айланди. Шу йилнинг баҳори қурғоқчил келиб, тоғдаги чўпон қаровидаги отар қўйига ҳам қирғин келди...

Шунда кишининг бу дунёда тўплаган бойлиги ўзидан ўзгага буюрмаслигини тушуниб етдим.

Бекзод ИБРОҲИМ

Улашинг