Ажиб рақобат

16:02 / 25.02.2022 0 1175

Маҳалламиздаги кекса холанинг баққолчилик дўкони бор. Бир куни рўпарасига катта супермаркет очилди. Икки дўкондор ҳам маҳсулотларининг нархини ёзиб илиб қўйишди.

Супермаркет “сариёғ 70 лира” деб ёзса, хола “сариёғ бизда 60 лира” деб эълон илди. Эртасига супермаркет “сариёғ 50 лира” деб ёзди. Хола бу сафар “сариёғ келди, 40 лира” деб илиб қўйибди.

– Холажон, улар билан олишманг. Улар катта миқдорда юк олади, зарар кўришмайди. Аммо сиз зарарга кириб кетасиз, – дедим.

Хола дўконига кириб кетаркан:

– Мен сариёғ сотмайман-ку, ҳеч бўлмаса халқ арзонроқ олсин, – деб пичирлади.

Туркчадан Марям ОСИЁ таржимаси

Улашинг