Сентиментализм

16:02 / 10.02.2022 0 1102

Сентиментализм (франц, sentimental — сезувчан сўзидан) — ўрта асрларда Ғарбда зодагонларнинг бузуқ ахлоқига қарши норозилик кайфияти ифодаланган оқим. Мазкур оқим намояндаларининг қарашларида ҳунармандлар, савдогарлар ва деҳқонлар ҳаёти зодагонлар хулқ-атворига қарама-қарши қилиб қўйилди ҳамда оддий кишиларга нисбатан ачиниш ҳислари ифодаланди. Сентиментализм адабий оқим сифатида классицизмга ва мазкур йўналишдаги асарларга хос мавҳум қоидаларга қарши кураш олиб борган. Сентиментализм учун шахснинг руҳиятини тасвирлаш асосий мезондир. Сентиментализм устувор бўлган асарлар инсон ҳиссиёти юксак даражада бўрттириб тасвирланиши билан ажралиб туради.

Улашинг