Ўзбек анимация санъати тарихи 1965 йилда “Ўзбекфильм” студиясида режиссёр Дамир Салимов  томонидан суратга олинган “6х6 квадратда” номли мультфильм билан бошланади. Кино тарихимизда илк мультфильм сифатида қолган мазкур асар қўғирчоқларнинг механик ҳаракатига асосланган эди.

Дастлабки чизилган мультфильм 1969 йили суратга олинган. “Жасур чумчуқ” асари ўз даври учун илғор технология асосида ишланган эди.

 1970 йилга келиб “Ўзбекфильм”да мультфильм устахонаси ташкил қилинди. Унда аниматорлар, графика усталари, рассомлар ва бошқа ижодкорлар янги мультфильмлар ишлаб чиқариш бўйича майдон яратди.

Ўтган йиллар мобайнида турли мавзу ва жанрларда кўплаб мультфильмлар яратилди. “Узвийлик”, “Ғилдиракли уй”, “Довюрак ошпаз”, “Кенжа ботир”, “Матизнинг саргузаштлари”, “Чўлдаги кўл” “Майин ёмғир ёғади”, “Микс”, “Сеҳрли танбур”, “Ҳаёт дарёси” ва бошқалар шулар жумласидандир.