02:01 / 27.01.2022
1
1254
Қиз талаба бўлди.
«Ўқиб олим бўлармиди», қўл силтади одамлар.
Қизгина унга ошиқ йигитнинг изҳорини қабул қилди.
«Танлаганинг шуми», кулди одамлар.
Келинчак жуфтининг хизматида бўлди, бирор марта юзига тик қарамади.
«Мунча лаллаймасанг», деди одамлар.
Аёл кетма кет фарзандларни дунёга келтирди.
«Бунча кўп туғасан», ачинди одамлар.
Аёл ишга кирди, рўзғорга қарашди.
«Оилани унутма», ақл ўргатди одамлар.
Аёл хасталанди.
«Жони қирқта, ўлмайди», хукм қилди одамлар.
Аёл курашди, гулдек яшнади, кўз ёшини бировга кўрсатмади.
«Бир балоси бор», шубҳаланди одамлар.
Кампир кексайди, ҳамманинг ризолигини олиб омонатини топширди.
Одамлар эса ҳамон гапирарди...
Нодирабегим ИБРОҲИМОВА
Ҳикмат
Бир куни...
Ҳикмат
Ҳикмат
Ҳикмат
Қатра
Қомус
Қатра
Қомус
Биласизми?
Қатра
Қатра
Қомус
Қомус
1 Изоҳ
Hojiali
12:01 / 01.01.1970
Albatta bunday odamlar dunyoda juda ham kop o'zi biror ishga yaramaydi lekin huddi revizior singari doim gapiraveradi bundaylarg Allohni o'zi kifoya qilsin