КОМПЕТЕНТЛИК – маълум ҳолат хусусида тўғри мулоҳаза юритишга имкон берадиган билимга эга бўлиш, далил-исботли фикр, кишининг муайян соҳада савиясини ифода этадиган атама. Компетентлик шахс хусусиятлари ва ҳолатининг мураккаб мажмуи бўлиб, маълум соҳадаги билим, кўникма ва тажрибани мужассамлаштириши. Компетентлик инсонга муайян масалаларда фикр билдириш, маълум қарорларни ишлаб чиқишда иштирок этиш ва  ўзи қарор кабул қилиш имконини беради. Ҳозирги замон фанида касбий компетентлик, илмий, бошқарув, педагогик, дидактик, методик, ижтимоий-психологик компетентликка оид тушунчалар кенг қўлланади. Бошқарувга оид компетентлик ана шу соҳага тааллуқли билим ва кўникмаларнинг, раҳбарлик фаолиятида амалий тажрибанинг мавжудлиги билан белгиланади.