Кичкина оғиз ҳам катта гапларни сўзлаши мумкин! – Ҳамзатовдан халқона ҳикматлар


Сақлаш
16:11 / 10.11.2025 0 569

 

Одам тилга кириши учун икки йил кифоя, лекин тилини тийиб туришни ўрганиши учун олтмиш йил керак бўлади.

* * *

Ўткир фикрни жўн ифода этиш, қўзичоқни оч бўрига рўпара қилишдай бир гап.

* * *

Биз Ватанни танламаймиз, чунки Ватан бизни аллақачон танлаб бўлган.

* * *

Қаср ҳеч қачон товуқхонани, товуқхона эса ҳеч қачон қасрни эсга солмаслиги керак.

* * *

Уруш ҳеч қачон дунёда одамлар сонини кўпайтирмайди, лекин у ердаги қаҳрамонлар сонини оширади.

* * *

Орзулар одамзод умр риштаси узиладиган чегарадан ҳам ўтиб кетади ва асрлар оша учаверади.

* * *

Ёлғон ҳар доим ёлғон, ҳақиқат ҳар доим ҳақиқат. Улар ҳеч қачон арзимас ва улканга ажратилмайди.

* * *

Тил халққа бир умрга берилади, уни ўзгартириб ҳам, йўқотиб ҳам бўлмайди.

* * *

Кичкина калит билан катта сандиқларни очиш мумкин.

* * *

Кичкина оғиз ҳам катта гапларни сўзлаши мумкин.

* * *

Одам – фақат атама эмас, – унвон, унвон бўлганда ҳам, жуда юксак унвон. Бу юксак унвонга муносиб бўлиш учун бир умр интилиш керак.

* * *

Номдан улуғ, ҳаётдан азиз нарса йўқ. Уларни қадрла!

* * *

О, она тилида ўйлаётган ва куйлаётган одамлар! Сизга ҳам ташаккур!

* * *

Ҳамиша оналар гўзал, оналар айтган қўшиқлар гўзал.

* * *

Агар беланчаклар узра аллалар айтилмаганда, эҳтимол, дунёда бошқа қўшиқлар яратилмасди.

* * *

Оналар – дунёнинг энг биринчи шоирлари!

* * *

Оналар алласи – одамзод яратган қўшиқларнинг ибтидоси.

* * *

Қўшиқ юракда яралади, юрак уни тилга беради, тил эса одамларнинг юрагига етказади, одамларнинг юракларида асрлардан асрларга ўтади.


Ziyouz.uz

Изоҳ йўқ

Изоҳ қолдириш

Сўнгги қўйилган

Барчаси

Қомус

17:11 / 04.11.2026 0 29
Маош ва ош

Ҳикмат

11:11 / 03.11.2026 0 41
Бойлик одамни бузади(ми?)



Кўп ўқилган

Барчаси

Қомус

15:04 / 19.04.2023 1 17967
Жадидчилик

Қомус

22:08 / 04.08.2023 0 7358
Миллий урф-одатлар

Қатра

20:08 / 18.08.2022 15 7034
Илк ватан

Қатра

01:01 / 10.01.2022 7 6287
Бир қоп ун

Қомус

15:04 / 18.04.2023 0 5868
Радикализм

Қатра

17:08 / 21.08.2022 6 5717
Тинчлик

Қомус

16:12 / 25.12.2023 0 5471
Ўзбекистон тарихи

//