Кампир ухлаган, хон-чи?

09:02 / 05.02.2025 0 650

Манғит хонларидан Аҳадхон замонида Бухорода бир ёлғиз – кимсасиз кампир яшаган экан. Биттагина эчкисини соғиб, сутидан бир миқдор ичиб, қолганини сотиб, рўзғор тебратар экан.

Иттифоқо кечаси ухлаб қолганда, шу эчкисини ўғирлаб кетишади. Кампирнинг арз қилмаган жойи қолмайди. Охири Аҳадхон ҳузурига боради. Хон ундан не арз билан келганини сўрайди.

Кампир нима бўлганини айтади.

– Ия, – дейди хон. – Эчкини қўриқламай, донг қотиб ухлаган экансиз-да, эна!

Кампир жавоб қилади.

– Ухлаган эдим, хон ҳазратлари. Сизни ухламаган, деб ўйлаган эдим. Қарангга, сиз ҳам ухлаган экансиз-да!..

Анваржон Халимовнинг

фейсбук саҳифасидан олинди.

Улашинг