* * *

Ҳаёт катта планда қараганда трагедия, узоқдан қараганда комедиядир.

* * *

Овозсиз кинолар, эҳ, афсус... Аёлнинг оғзи очилса ҳам, саси эшитилмаган кадрлар қандай гўзал эди.

* * *

Менинг оғриғим кимнидир кулдира олиши аниқ, бироқ кулишим ҳеч қачон ҳеч кимга оғриқ келтирмаслигини истардим.

* * *

Филларни кўрсам жаҳлим чиқади. Ахир бу қадар кучнинг эгаси шунчалик итоаткор бўлиши мумкинми?

* * *

Кўзгу – менинг яқин дўстимдир. Чунки мен йиғласам, у ҳеч қачон кулмайди.

* * *

Аслида қаерда яшашингнинг умуман фарқи йўқ, асосийси ким билан яшашингдир.

* * *

Болалиги бўлмаган одамнинг кексалиги ҳам бўлмайди.

* * *

Бу фоний дунёда ҳеч нарса абадий эмас, ҳатто қийинчиликлар ҳам ўткинчи.

* * *

Ақл билан қилинган хато, ақлсизлик билан қилинган хатодан кўпроқ бало келтиради.

* * *

Комедия суратга олишим учун менга боғ, милиция ва бир гўзал қиз етарли.

* * *

Ғоя қандай яралади? Фақат телбалик асосидаги ишончли қидирув билан.

* * *

Санъат учун саҳнага яланғоч чиқишга ҳам тўғри келади. Аммо у ердан наинки кийимда, балки софликни сақлаб қайта олиш даркор.

* * *

Ҳаёт – репетициясиз пъесага ўхшайди. Яъни саҳна тугаб, парда олқишу суронларсиз ёпилгунича кўнглингиз истаганича ўйнанг, кулинг, йиғланг.

Раҳмат БОБОЖОН таржимаси