Байрамнинг энг яхши қисми – тугаганидан сўнг у ҳақида гаплашмоқдир.

* * *

Инсон ожизлиги орасида энг қизиқарли ва кечирса бўладиган туйғу – муҳаббатдир.

* * *

Мен бирорта америкалик жентелменни танимайман. Ушбу икки сўзни ёнма-ён ишлатганим учун эса Худонинг ўзи кечирсин.

* * *

Бировнинг юкини енгиллатишга ҳисса қўшган ҳар бир одам дунёга наф келтирган ҳисобланади.

* * *

Ақлини йўқотган одам мурдадан ҳам даҳшатлидир.

* * *

Доҳийларнинг камдан-кам ҳолларда кийим-кечак билан боғлиқ васвасаси бўлади.

* * *

Ҳақиқат ҳамиша мард ва жасур кўринади.

* * *

Ўзгаришлар яна бошқа ўзгаришларга йўл очади.

* * *

Ҳаёт бизга сўнгги нафасгача уни мардлик билан ҳимоялаш учун берилган.

* * *

Энг аччиқ ҳақиқат шуки, ҳатто ўта даражадаги бой инсонларнинг ҳам ўта даражадаги камбағал яқинлари бўлади.

* * *

Бола учун энг оғриқли ва оғир иш – ғаддор отанинг кўнглига йўл топмоқдир.

* * *

Ҳамиша асл зоҳирий гўзаллигингни асрашга ҳаракат қил.

Раҳмат БОБОЖОН тайёрлади.