***

Орзу – реалликдан йироқлашиш эмас, аксинча, унга яқинлашмоқдир.

***

Инсонлар қайсидир масалани ўйлаб, англаб, ҳал этишдан кўра, уни бировга тўнкаб қўяверишни афзал билишади.

***

Дунёда айни вақтда ҳам севиб, ҳам нафратланишдан оғир азоб йўқ.

***

Ҳаётнинг менга ўргатган энг қимматли хулосаси – ҳеч нарсага афсусланмасликдир.

***

Ҳаётнинг ажойиб бир ўзига хослиги бор: агар сиз фақат яхшисини танлаб, бошқаларидан воз кечишни уддаласангиз, албатта ниятингизга етасиз.

***

Одам нақадар бахтсиз бўлса, шунчалик жаҳлдор бўлади.

***

Аниқ ва содда тилда ёзиш – самимий ва хайрихоҳ бўлиш каби мушкулдир.

***

Ўлиш – жуда бўлмағур ва зерикарли иш. Маслаҳат бераманки, ҳеч қачон бу ишга бош қўшманг.

***

Ҳар авлод оталар ва боболари устидан кулади, аммо аждодларидан ғурур туяди.

***

Муваффақиятга эришишнинг ягона йўли мавжуд – ҳаётни юрагинг истаганича яшаш.

***

Қариликнинг энг катта устунлиги руҳан озод бўлмоқдир.

***

Ўтмиш билан яшашни бошладингми, демак, келажагинг аллақачон ўлган.

***

Аёл нималарга қодирлигини фақатгина аёл билади.

***

Муваффақият қозонишни истасанг, ҳеч қачон ўзингдан паст рақиб билан курашма.

***

Аёллар эркакларни гўзалликлари билан жалб этиб, ёнларида сақлаш учун нуқсонларидан фойдаланишади.

***

Асосийси севилмоқ эмас, севмоқдир. Чунки, баъзида сени телбаларча севган одамнинг ёнида юрагинг сиқилади.

***

Пул – олтинчи туйғудир. У бўлмагунича қолган беш туйғудан фойдалана олмайсан.

***

Ҳаётда 3 та олтин қоида бор: ҳеч қачон айб иш қилма, қилдингми, ҳеч қачон пушаймон бўлма, бўлдингми, ҳеч қачон тан олма.

***

Ер юзидаги ягона таъмасиз ҳис – ота-она муҳаббатидир.

Раҳмат БОБОЖОН тайёрлади.