* * *

Санъаткорнинг санъаткорлиги нарсаларни ўзи истаганидек эмас, борлигича кўра олганидадир.

* * *

Совға қилсангда сенда қоладиган ягона нарса муҳаббатдир.

* * *

Яхши нарсалар ҳақида мушоҳада эт. Бу ўй сени хайрли амаллар қилишга ундайди.

* * *

Кўп ҳолларда ёшлар бошқа бировнинг эмас, ўзининг ақли билан яшашни исташларини айтишади. Ахир нега сенга қадар ўйланганларни янгидан ўйлашинг керак? Тайёрини ол ва йўлингда давом қил. Инсониятнинг қудрати ҳам айнан шунда.

* * *

Ҳақиқий дўстлик бир-бирига ишончдан яралади.

* * *

Индама, ҳамма ўз остонасини супурсин. Ана шунда бутун кўча тоза бўлади.

* * *

Қисматда тасодифлар бўлишига ишонмайман, инсон ўз тақдирини ўзи яратади.

* * *

Ҳайвонларга ёмон муносабатда бўлган давлат ҳамиша йўқсил ва жиноятга мойил бўлади.

* * *

Шундай яшаш лозимки, ўлимдан на қўрқишинг, на-да уни орзу қилишинг даркор.

* * *

Бошқалар борасида ёмон, ўзингиз ҳақингиздаги яхши гапирганларга қулоқ солманг.

* * *

Хайрли ва савобли амаллар қилолганинг учун ҳам шукрли бўл.

* * *

Инсонлардан уялиш яхши фазилат, ўзингдан уялиш эса ундан ҳам яхши.

* * *

Шуур ва маънавият ҳамиша ёнма-ён келади.

* * *

Ҳаётнинг кутилмаган ҳадялардан қўлингни торт, уни ўзинг ярат.

* * *

Муҳаббатни англаш учун аввалига хато қилиб кейин тузатишинг жоиз.

* * *

Ўзимиз ҳақимиздаги ҳақиқатни ҳатто ўзимизга ҳам нодир ҳолларда айтамиз.

* * *

Бахтли бўлмоғинг учун аввало ўзинг бахтга ишонишинг керак.

* * *

Севгисиз ҳаёт осон, лекин маъносиз ҳам.

* * *

Бахтиёрлик – истаганингни қилиш эмас, қилганингни истамоқдир.

* * *

Зериктирмайдиган барча нодир санъатлар яхшидир.

* * *

Ёвузлик устидан ғолиб келишнинг ягона йўли – ёмон одамларга яхшилик қилмоқдир.

* * *

Телбалар ҳар доим ўз мақсадларига донолардан кўра тезроқ етиб боришади. Чунки улар учун ҳеч қандай маънавий тақиқ, хижолат, адолат, ҳатто қўрқув туйғуси ҳам йўқ.

Раҳмат БОБОЖОН тайёрлади