“Бугун ўнг ёнидан турган” – “ўнг”нинг ўнглиги нимада?

15:07 / 01.07.2024 0 738

Ўнг қўл, чап қўл деймиз. “Ишинг ўнгидан келсин” деб ният билдирамиз. “Бугун ўнг ёнидан турган”, “Худо йўлини ўнглабди” каби ибораларни ишлатамиз. Хўш, нима учун ўнг? Ўнгнинг афзаллиги нимада? Нега биз ўнг сўзини яхши кўрамиз? Бу сўз асли қандай маънони англатади?

Маҳмуд Кошғарий “Девон”ида ўнг – оӊ сўзи “қулай, осон” маъносида изоҳланган. Демак, ўнг томон дегани аслида “қулай томон” дегани, ўнг қўл ҳам қулай қўл дегани. Дарҳақиқат, дунёнинг 95 фоиз аҳолисига ўнг тараф қулай келади.

Эшқобил ШУКУР

“Бобосўз изидан” китобидан.

Улашинг