* * *

Ҳаёт – велосипед минишга ўхшайди, мувозанатни сақлаш учун доим ҳаракатда бўлишинг даркор.

* * *

Чегара билмайдиган икки нарса бор: коинот ва аҳмоқлик. Аслида, коинот борасида бироз шубҳам йўқ эмас, балки унинг чегараси бордир...

* * *

Савод – мактабда ўқиганларингдан барчасини унутгач, каллангда нима қолса ўшадир.

* * *

Инсон ўзидан устун келганида яшай бошлайди.

* * *

Бир хил ишни бажариб, турли натижа кутиш аҳмоқликнинг ўзи.

* * *

Инсонларни тарбиялашнинг ягона мақбул усули ўрнак кўрсатишдир.

* * *

Ёнаётган печканинг устида бир дақиқа ўтирсанг худди бир соат ўтгандек, хушсурат бир хоним билан бир соат суҳбатлашсанг худди бир дақиқа ўтгандек туюлади. Мана шу нисбийлик назариясидир.

* * *

Қоида ва қонунлар фақат телбалар учун ўйлаб топилган.

* * *

Ҳамма бунинг сира иложи йўқлигини яхши англайди, бироқ буни билмаган бир ақлсиз келади ва ихтирочига айланади.

* * *

Мен ўлимга эртами-кечми қайтарилиши керак бўлган қарздек қарайман.

* * *

Бахтли ҳаёт кечиришни истасангиз одамлар ва ашёларга эмас, мақсадлар сари интилинг.

* * *

Барча одамлар ёлғон сўзлашади, бироқ бундан ҳам даҳшатлиси ҳеч ким бир-бирини эшитишни истамаслигидир.

* * *

Мантиқ сизни А нуқтадан Б нуқтагача, тахайюл эса юрак истаган нутқгача олиб бора олади.

* * *

Ҳар мушкулот ичида бир имкон яширинган.

* * *

Инсонга бўлган ишончимизни йўқота олмаймиз. Чунки, инсонмиз.

Таржимон ва тўпловчи:

Раҳмат БОБОЖОН