* * *

Ёлғонсиз яшашга имкони бўлган инсон – озод инсондир.

* * *

Севилмаслик бахтсизлик, севолмаслик эса аниқ бадбахтликдир.

* * *

Мактаб бизни усиз ҳам мавжуд бўлмаган ҳаётга ҳозирлайди.

* * *

Ҳамма ўзини охиригача таний олмасдан вафот этади.

* * *

Бахтиёрлик учун сабаб ахтарсангиз, ҳеч қачон бахтли бўлолмайсиз. Ҳаётнинг маъносини ахтарсангиз, яшолмай қоласиз.

* * *

Таассуфки, инсоннинг қалби унга фақат бахтсизлик келтирган ҳодисаларни қисмат аташга мойил.

* * *

Озодлик – имтиёз эмас, масъулиятдир.

* * *

Адолатсизлик билан ё келишиш, ё курашмоқ жоиз.

* * *

Келажакка муносабатдаги энг катта саховат – бутун борлиғингни бугунга бағишламоқдир.

* * *

Равон ёзувчиларнинг ўқувчилари, ғализ ёзувчиларнинг шарҳловчилари кўп бўлади.

* * *

Дунёни ўзгартириш иддаоси ҳар янги келган наслга хос характердир.

* * *

Инсонни инсон қилувчи нарса гапириши эмас, жим туришни уддалай олишидадир.

* * *

Эркин матбуот яхши ёки ёмон бўлиши мумкин. Бироқ эркин бўлмаган матбуот аниқ ёмон.

* * *

Қариялик – ҳисдан афсусга ўтиш босқичидир.

* * *

Инсонга умидсизлик қадар умид берувчи нарса йўқ.

Раҳмат БОБОЖОН таржимаси