Ҳикмат

17:01 / 05.01.2024 0 693

Ҳикмат – донишмандлик, фалсафа, махфий сир, ақл ва ҳақиқатга тўғри келадиган теран маъноли мухтасар сўз, ақл-идрок, заковат. Ҳикмат маънавият ва маърифатнинг асоси ҳисобланади. Ҳикмат орқали инсон дунёни билишга, англашга интилади. Ақл – ҳикмат орқали инсон қилаётган ишларининг мазмун-моҳиятини англайди, яхши билан ёмоннинг фарқини тушуниб етади. Инсон вужудида икки унсур – яхшилик ва ёмонлик мавжуд. Яхшилик эзгуликка интилиш, инсон маънавий камолотининг негизини ташкил қилади. Шунинг учун «Ҳикмат излаганга ҳикмат бу дунё, иллат излаганга иллат бу дунё» деган нақлда ҳикматнинг мазмун-моҳияти ўз ифодасини топган.