Ҳашар

16:01 / 05.01.2024 0 583

Ҳашар – муайян юмушни ихтиёрий, холисона кўпчилик, жамоа бўлиб бажариш. Ҳашар ўзбек халқининг азалий урф-одатларидан бўлиб, жамоавийликни ўзида тўлиқ акс эттиради. Ҳашар ҳаётий муаммоларни биргаликда ҳал этиш усули, жамоа ҳаётига оид моддий-маиший ва маънавий мазмундаги умумий фаолиятдир. Ҳашарда ўзбек оилалари биргалашиб бир-бирига беғараз ёрдам кўрсатади, иншоот ва бинолар тиклайди, ночорларга ёрдам уюштиради. Маҳалла, қишлоқ, жамоа ҳудудларига оид муаммоларни ҳал қилишда ҳам, атроф-муҳит тозалиги, ободонлаштиришга доир ишларда ҳам ҳашардан фойдаланилган. Халқимизга хос бу қадимий удум бугунги кунда ҳам ўз аҳамиятини йўқотмасдан келмоқда.