Текинхўрлик

17:11 / 01.11.2023 0 450

Текинхўрлик – меҳнат қилмай еб-ичиш, кун кўриш, танбаллик, бировларнинг ҳисобига ҳаёт кечиришни англатувчи маънавий иллат. Текинхўрлик «ишёқмаслик», «дангасалик» сўзларига маънодош, салбий маънога эга бўлган тушунча ҳисобланади. Инсон ҳеч қандай меҳнат қилмасдан, бировларнинг ҳисобига яшаб, кун кўрса, бу унинг худбинлиги аломатидир. Халқимизда тўрт мучаси соғ одам кимнингдир ёрдамига муҳтож бўлса, кимнингдир сояси остида ундан умидвор бўлиб яшаса, «уят» иш, яъни текинхўрлик деб ҳисобланади. Чунки соғлом инсон ўзи меҳнат қилиши ва ўз ризқини ўзи териб ейиши зарур. Текинхўрлик ва қорин ғамида тобе ҳамда муте бўлиб яшаш хору зорликка олиб келади.