Танатология (юнонча тана – ўлим ва логия – таълимот) – ўлим ҳақидаги таълимот, унинг сабабини ўрганувчи, ушбу жараённинг содир бўлишини (танатогенез), организм тўқималаридаги ўлиш ва у билан боғлиқ ўзгаришларни ўрганувчи фанлардан бири. У: 1) организмнинг қайта жонланиши (реанимация); қон йўқотиш, асфиксия (инсон қони ва тўқималарида кислород етишмаслиги сабабли бўғилиш) – тасодифий сабаблардан ўлишда қайта тикланиш, шок ва ҳоказода ҳаётга қобил организм функцияларининг сўна бориши; 2) касалнинг ўлим олди азобларини енгиллаштириш (эвтаназия) ҳодисаларини ўрганади. Танатология атама сифатида рус олими И.И. Мечников томонидан муомалага киритилган. Ҳозирги даврда муттасил ривожланиб, мазмунан кенгайиб бораётган илмий йўналишдир.