Педагогика (юнонча pais – бола, agogos – раҳбар) – тарбия ҳақидаги таълимот, фан; тарбиялаш санъати. Педагогика тарбия ва таълим соҳасига тегишли билимлар йиғиндисидир. У тарбиянинг моҳияти, мақсади, вазифалари ва қонуниятларини, унинг жамият ҳаёти ва шахс тарётидаги ролини, таълим жараёнини ўрганади. У тарбия назарияси, дидактикани ўз ичига олади. Педагогика фалсафа, психология, одам анатомияси ва физиологияси сингари соҳалар билан боғланган. Бугунги кунда педагогика кўплаб тармоқларга бўлинган илмфан соҳасига айланган. Болалар педагогикаси, профессионал таълим педагогикаси, оилавий тарбия педагогикаси, олий ўқув юртлари педагогикаси, ҳарбий педагогика, маданий-оқартув ишлар педагогикаси, дефектология, педагогика тарихи ва бошқалар шулар жумласидандир.