Орфеизм – қадимги Юнонистоннинг мистик шоири Орфейга тегишли деб ҳисобланадиган ақидалар, тамойилларни ифода этувчи тушунча. Орфей қалб, руҳнинг илоҳийлигини, тананинг нопоклигини таъкидлаган. Орфеизмда ўлим озод бўлиш сифатида талқин этилади. Унда келажакдаги ҳаёт масаласи марказий ўрин эгаллайди. Бу мистик таълимот кўплаб адабий асарларда, хусусанн, орфеик лирикада из қолдирган. Унинг таъсирини пифагоризмда ҳам кўриш мумкин. Антик даврнинг сўнгги давригача унинг ахлоқий таъсири сақланиб қолди, ҳатто Афлотунда биз орфеизмга хос бўлган ҳаётдаги бегоналашувни, келажак ҳаётни орзу қилишни кўришимиз мумкин. Суқрот ҳам ҳозирги ҳаёт бу ўлим, ўлим эса ҳаётнинг бошланиши бўлиши мумкин, деган тарзда фикр юритгани орфеизмнинг таъсиридан дарак беради.