Золушканинг туфлиси биллурдан бўларди, эсингиздами? Аммо бу хато, тўғрироғи, чалкашган маълумот экан.

Аслида Золушканинг оёғидаги туфли олмахон терисидан тикилган бўлади. Бу англашилмовчилик француз таржимонларининг хатоси туфайли юз берган. Чунки француз тилида vair сўзи – “олмахон мўйнаси” деган маънони берса, verre сўзи эса “биллур шиша” маъносида келади. Таржимонлар айнан шу сўзларни чалкаштириб юборган эдилар.

Буюк эртакчи адиб Шарль Перо ўзининг 1697 йилда ёзган “Золушка” асарида олмахон мўйнасидан тикилган бошмоқни назарда тутган эди. У ўша пайтда Европа салонларида урфга айланган олмахон мўйнасидан тикилган туфлиларни кийган хонимлардан илҳомланган экан. Бундай туфлиларга эса француз қироли Людовик XIVнинг маҳбубаларидан бири мадам Франсуаза Скаррон асос солган.