Музейда

Бешинчи синф болалари тасвирий санъат музейига боришибди. Қайтишаётганида директор сўрабди:

– Хўш, болажонларим, музейда ёдингизда қоладиган нимадир бўлдими?

– Бўлди, бўлди, – болалар бир овоздан жавоб қайтаришибди.

– Нима бўлди?

– Тарона муаллимнинг зиналардан юмалаши.

Қонун

Хотин эрига қараб ғазаб билан бақирибди:

– Сизга эрга теккунча шайтон билан турмуш қурганим яхшийди.

Эр оҳиста тиржайиб жавоб берибди:

– Афсус, яқин қариндошлар ўртасида никоҳ тузилишига қонун йўл бермайдида...

Суҳбат

Икки чукча йўлда суҳбатлашиб борарди:

– Шу десанг, бир кун йўлда кетаётганимда 10 доллар топиб олдим.

– Хўш, кейин нима қилдинг?

– Йиртиб ташладим.

– Нега ахир?

– Сохта эди чунки.

– Қаердан билдинг сохталигини?

– Ахир қаерда кўргансан 10 рақамида иккита ноль бўлганини?

Савол

Кичкинтой Озар отасидан сўрабди:

– Ота, нега 8 март тақвимда қизил рангга бўялган?

Ота чуқур хўрсиниб шундай дебди:

– Бу эркак қонининг ранги, болажоним.

Парҳезнинг янги усули

Ойгун Козимова Рўёдан сўрабди:

– Қандай озиб кетибсан, гўзалсан, кўз тегмасин. Янги парҳез усулини топдингми?

– Аҳа.

– Хўш, қанақа экан у?

– Илдиз, сабзи ва картошка.

– Нима қилиш керак, қайнатиб ейиш керакми ё қовуриб?

– Ердан қазиб олиш керак.

Депутат

Нофаол, сайловдан кейин кўринмай кетадиган депутатлардан бири жонли дебатда халқига мурожаат қилибди:

– Менингдек депутати бўлган халқнинг нима камчилиги бор ахир?

Бир қария орқадаги ўриндиқдан қичқирибди:

– Валерьянкаси...

Фалсафамания

Аристотел эшакни терс миниб кетаётган экан. Шу пайт ундан “Нега эшакни терс миниб олдинг?” дея сўрашибди. “Орқадан келган хавф-хатарни кўриш учун” дебди. “Майли-ку, олдиндан келганни-чи?” дея савол беришибди яна. У шунда “Олдиндан келганни эшак ҳам кўра олади” дея жавоб қайтарибди.

Ўзгармайдиган ҳақиқат

Нарх-наво худди болага ўхшайди. Бир пасда ўсиб кетаверади.

Тўпловчи ва таржимон:

Раҳмат БОБОЖОН