Ҳар йили “Mercer Cost of Living Survey” ташкилоти  шаҳарларни уй-жой, транспорт ва озиқ-овқат нархи каби омилларига асосланиб, дунёдаги яшаш учун энг қиммат жойларни аниқлаб келади.

Ўтган йилги рўйхатда Гонгконг биринчи ўринда экани эълон қилинган эди. Бу йил эса “Mercer”нинг яшаш қиймати тадқиқоти кутилмаган натижаларни кўрсатди –  Туркманистоннинг Ашхобод шаҳри олдинги қаторларни эгаллади.

Ашхобод хориждаги ишчилар келиб яшаши учун дунёнинг энг қиммат маскани деб топилди. “Mercer” маълумотларига кўра, бир миллиондан ортиқ аҳолига эга шаҳар давом этаётган озиқ-овқат танқислиги ва гиперинфляция туфайли иккинчи ўриндан биринчиликка кўтарилди.

Эслатиб ўтамиз, тадқиқот давомида 200 дан ортиқ харажатлар ҳисоблаб чиқилади.

209 та шаҳар рўйхати келтирилган “Mercer” рейтингида Гонконг иккинчи ўринни эгаллаган. Ливан пойтахти Байрут эса ўтган йилги портдаги йирик портлаш келтирган инқироз туфайли 45-ўриндан учинчи ўринга кўтарилган.

Рейтингга кўра, дунёнинг энг арзон шаҳарлари ўнталигига Тошкент ҳам киритилган.