Ифтихор (арабча фахрланиш, қувониш) – улуғ бир нарсага дахлдорликдан фахрланиш, қувониш, ғурурланиш туйғулари билан боғлиқ тушунча. Миллий ифтихор ўз миллати, унинг тарихи, миллий қадрият ва анъаналари билан фахрланиб яшаш туйғусидир. У туфайли тарихий бирлик, қон-қардошлик, тил, маданият, маънавият, иқтисодий ҳаёт, тақдир ва келажакнинг муштраклиги бирлиги миллат вакилларининг қалбидан чуқур ўрин олади. Миллий бирдамлик туйғуси – миллий онгнинг негизидир. Мустақил тараққиёт йўлидаги ютуқларимиз кўпайгани сари юртдошларимизда Ватанимиз билан фахрланиш ҳисси – миллий ифтихор туйғуси ҳам кучайиб бораверади. Бинобарин, миллий ифтихор туйғусининг юксалиши учун барча фуқароларимиз бирдек масъулдир.