Қуйидаги фотосуратларда китоб мутолаа қилаётган 73 ёшли Азиз Муҳаммадни кўплаб интернет фойдаланувчилари таниса керак. 15 ёшидан бери Работнинг Мадина шаҳридаги китоб дўконига эгалик қилаётган қаҳрамонимиз шу кунгача одамлардан 4 мингга яқин китоб йиғиб чиққан. Олий маълумотга эга бўлмаса ҳам, у бутун умрини мутолаага бағишлашни ният қилган. Ҳозирда у араб тили билан биргаликда француз тилидаги китобларни ҳам бемалол ўқий олади.

Муҳаммаднинг коллекцияси жуда катта бўлиб, мўъжазгина дўконини тўлдирган китоблар кўчага ҳам жойлаштирилган. Китобхонлар бу ердан 1940-йилларгача нашр этилган адабиётларнинг йўқ бўлиб кетган нусхаларини-да топиши мумкин.

Азиз Муҳаммад коллекциясидаги барча китоблар номини билади ва уларни ўқиб чиқишга ҳаракат қилади. Унинг айтишича, аввалги йилларга нисбатан ҳозирда хотин-қизлар орасида китобхонлик анча ривожланган. Аммо ёшлар камдан кам кўринади. Маълумотларга кўра, бугунги кунда Марокашдаги китобхонларнинг деярли 70 фоизи катта ёшлиларга тўғри келади.