Галилей, Галилео (1564– 1641) – Италиянинг буюк мутафаккири, фалcафа, математика, физика, астрономия ва санъатшунослик каби фан соҳаларида етук асарлар яратган қомусий олим.

Галилейнинг дунёқараши қуйидаги тамойиллар билан белгиланади: 1) инсон томонидан уни ўраб турган дунёни қандай бўлса, шундайлигича билиш мумкинлиги; 2) ташқи дунёни инсон сезги аъзоларига таъсир ўтказувчи билим манбаи экани; 3) инсоннинг билиш жараёни илоҳий асос ва ўзига хос номоддий жавҳар орқали бошқарилиши тўғрисидаги фикрларнинг ғайримиллийлиги;4) ҳақиқий билимга фақат ҳистуйғулар орқали ҳосил қилинган образ – тимсоллар воситасида эришиб бўлмаслиги бу жараён ақлнинг буюк кучи ва мантиқий фаолияти билан белгиланиши. Бу тамойиллар ўша давр диний ақидаларига тамоман зид бўлгани, инсоннинг ақлий бунёдкорлик фаолияти улуғлангани учун аллома қаттиқ тазйиққа учраган.