Бағритошлик

21:05 / 16.05.2023 0 724

Бағритошлик – бераҳмлик, шафқатсизликни англатувчи тушунча. Кишилар ўртасидаги инсоний муносабатлар моҳияти, аввало, инсонга эътибор, ўзгаларнинг қадр-қиммати, иззат-нафсини ҳурмат қилиш, одамзод ва табиат ҳақида қайғуришда намоён бўлади. Шундай экан, бағритошлик инсондаги барча олижаноб фазилатларнинг кушандаси бўлиб, бундай кишиларга одамгарчилик, юксак ҳис-туйғу, ўзгаларга меҳр-муҳаббат ва шафқат бегонадир. Халқ оғзаки ижоди, бадиий адабиётда бағритошлик салбий хусусият, инсон маънавиятидаги кемтиклик, комил инсон қиёфасига мос келмайдиган тушунча сифатида қораланади.

Улашинг