Ўзбекистон Республикаси Президенти қарори билан Чуст тумани Ахборот-кутубхона марказига қарашли Дамобод МФЙ худудида жойлашган ҳарбий қисмда 2021 йил 6 июлдан кутубхона иш бошлаган.

Бу ерда китобхонлар учун барча шароитлар яратилган. Бино замонавий компютер билан жиҳозланган. Кутубхона фондида бадиий, илмий, тарихий йўналишдаги 3716 дона китоб мавжуд. Фойдаланувчилари сони беш юзга яқин бўлиб, кутубхона ҳарбийлар, нуронийлар, аёл-қизлар, мактаб ўқувчилари билан доим гавжум.

Кутубхонада давра суҳбатлари, маърузалар, китоб тақдимотлари ва тадбирлар ўтказилиб келинмоқда. Энг аҳамиятлиси, қўшни миллат вакиллари ҳам кутубхонага келиб, ўзбек, қирғиз, қозоқ, рус тилидаги адабиётларни мутолаа қиладилар.