Энг гўзал шеър математикадир. Ер юзида ҳозиргача “икки карра икки тўрт”дан гўзалроқ мисра ёзилмаган. 

* * *

Биласан, гуноҳларни ёзувчи фаришта чап елкада. Шунинг учун ҳам юрак чап томонда жойлашган. Шунинг учун ҳам ишқ энг катта гуноҳ саналади.

* * *

Бармоқларимиз орасидаги бўшлиқ – биз учун яратилган инсон келиб уни тўлдириши учун мавжуд.

* * *

Тоғлар қуламасин деб оҳ чекмайман. Ўзимни бузаман, дунёни эмас.

* * *

Турк эркаклари дунёнинг энг рашкчи эркаклари ҳисобланишининг сабаби севгилисига эмас, ўзларига ишонишмаганидандир.

* * *

Эҳтимол, қучоқлайдиган севгилимиз йўқдир, эҳтимол, ёлғиздирмиз. Бироқ, билиб қўйингки, одамдек севганимиз туфайлидир бу танҳолигимиз. 

* * *

Ҳарбий соҳаларга сарфланган пул дунёдаги очлик муаммосининг тамоман ҳал қилиниши учун лозим бўлган пулдан юз баравар кўп.

* * *

Хариталарга қарадим, ҳеч бирида уйинг йўқ. 

Энциклопедияларни титдим, ҳеч бирида суратинг йўқ. 

Луғатлардан изладим, ҳеч бирида исминг йўқ. 

Кўзгудаги аксимга боқдим, сени кўрдим. 

Билдимки, сен менсан.

* * *

Дангасаларнинг иш куни “эртага”дир. 

* * *

“Ҳеч кимга ишонмайман” деган тушунча йўқ, “вақтида унга ишондим, энди ҳеч кимга ишонмайман” бор. 

* * *

Ҳаёт имтиҳон бўлса, сира азият чекма, исмингни ёз ва чиқ. Балки ўтолмассан, бироқ исминг остида яп-янги саҳифа қолдириб кетасан. 

* * *

Совуқ қотсанг – бу илиқлик, қоронғулик чўкса – бу нур йўқлигидандир. Агар ҳар томон қоронғу, сен совуқ қотаётган бўлсанг, бу унинг йўқлигидандир.

* * *

Тор жойдан чиққанлар кенг жойларга сиғмайди. 

* * *

Орзуйим бир болакайга “Қанчалик яхши кўрасан?” саволини берганда қўлини икки томонга очиб “Мана шунча” дейдиган ўша масъум севгини топиш эди...

* * *

Камбағалнинг ягона қуроли – меҳнат. 

* * *

Ҳаётим давомида бўйим қадар китоб ёздим, бироқ мени ёқтирмайдиганлар бунга ҳам бир баҳона топиб – шусиз ҳам унинг бўйи кичкина эди дея олишди холос.

* * *

Инсон фақат гапирганлари эмас, жим турганлари олдида ҳам масъулиятлидир. 

* * *

Биласан, эркак унча-мунчага йиғламайди, бироқ у йиғласа, кўзёшлари ҳеч қачон сохта бўлмайди. 

Раҳмат БОБОЖОН тайёрлади